Pantothenic Acid
500 mg / 100 капсули

Повеќе информации

Пантотенска киселина (витамин Б-5) е член на семејството на витамини Б-комплекс, растворлив во вода и првпат изолиран во 1933 година. Името доаѓа од грчкиот збор panthos што значи “го има насекаде” што укажува дека е широко распространет во природата.

Се наоѓа во скоро секоја жива клетка како компонента на коензим А (CoA). CoA е неопходен за генерирање енергија од маснотии, јаглени хидрати и протеини. Исто така, игра клучна улога во многу биосинтетски реакции, неопходни за производство на масти, холестерол, невротрансмитери, црвени крвни клетки и надбубрежни секрети.  Како таква, пантотенската киселина е од витално значење за безброј функции на клетките и одржување на здрав клеточен метаболизам.

Неопходен е за синтеза на коензим А – есенцијален за метаболизмот на масните киселини, учествува во разградување и насобирање на масти, јагленохидрати и протеини, а со тоа и во ослободување на енергија од храната. Покрај тоа витаминот Б5 придонесува и за производство на разни неуротрансмитери (хемиски материи кои имаат улога во комуникациските средства меѓу неуроните) и хемоглобинот, со што овозможува стимулација во мозокот и пренос на кислород во крвта. Игра улога и во синтеза на холестерол кој е потребен за создавање на стероидни хормони  како што се половите хормони, антистресните хормони и витаминот Д.

Апсорбцијата на витаминот Б5 ја потпомагаат витамините од Б групата, витамин Ц, биотин (витамин Х), а ја намалуваат кафето и алкохолот. Естрогени, сулфонамиди и некои седативи ја намалуваат концентрацијата на Б5 во организмот.

Богат извор на витамин Б5 се мисиркино месо, житарки од цело зрно, мешунки, јајца, млеко, авокадо, харинга, јаткасти плодови, сончогледови семки, брокула, цвекло, печурки.

Хиповитаминоза – е многу ретка со оглед на неговата широка распространетост во храната. Поедини состојби ја зголемуваат потребата за овој витамин како што се бременост, пубертет, стари особи, стрес и алкохолизам. Забележано е зголемено излачување на пантотенската киселина кај заболени од диабетес, додека апсорпцијата е значително намалена кај заболени од воспалителни болести на цревата поради што кај овие групи постои ризик од недостаток на овој витамин. Важно е да се спомне дека сите симптоми на недостаток исчезнуваат со земање на овој витамин.

Недостатокот на пантотенска киселина е пропратен со депигментација на кожата, воспалителни кожни промени, застој во растот и анемија.

Симптоми на недостаток на пантотенска киселина: немир, слабост, пореметување на сонот, депресија, главоболка, влошена координација, мачнина, повраќање, болки во стомакот, надуеност, кардиоваскуларна нестабилност, намалена отпорност на инфекции, влошена функција на надбубрежните жлезди, раздразливост, замор, апатија, трнење, парестезија, грчеви во мускулите, хипогликемија, зголемена осетливост на инсулин.

Неуромоторните и менталните пореметувања (парестезија, слабост на мускули, депресија) настануваат поради улогата на овој витамин во синтеза на ацетилхолин. Пантотенската киселина е дел од ацетил CoA кој има улога во синтеза на важниот неуропреносител.

Гастроинтестинални пореметувања се развиваат поради намалената активност на пепсин и намаленото лачење на желудочна киселина.

Кардиоваскуларни пореметувања се јавуваат како резултат на појава на хипокалемија.

Хипервитаминоза

Не попстои податок за хипервитаминоза и токсичност со овој витамин, но се смета дека  високи дози во бременоста можат да бидат штетни за мајката и плодот.

ПОЛЕЗНОСТИ

• Акни

Може да помогне во решавање на акни, го намалува производството на себум регулирајќи го нивото на одредени хормони (андрогени и полови хормони) и пореметениот метаболизам на липидите. При недостаток на пантотенска киселина метаболизмот на масни киселини се успорува, се насобираат во потните жлезди, се зголемува лачење на себум и се јавуват акни. Дози од 10g пантотенска киселина дневно (80% по орален пат и 20% преку крема) покажува значајно намалување на големината на порите а оштетувањата од акните се подобруваат.

• Дијабетични чиреви на стопалата

Чиреви и инфекции на стопалата се чест проблем поврзан со диабетес, а истражувањата покажуваат дека пантотенската киселина може да помогне и тоа успешно во 95% од случаите. Студија на медицинскиот колеџ Асахикава во Јапонија откри дека пантетинот може да биде од корист за спречување на дијабетична ангиопатија и во третманот на дијабетес.

• Нега на коса

Недостатокот на пантотенска киселина може да доведе до побелување и опаѓање на косата. Комбинација на тиамин (витамин Б1), Витамин Б5, квасец, Л Цистин, кератин и парааминобензоева киселина можат значително да го подобрат квалитетот на косата и да го успорат опаѓањето кај луѓе кај кои е дијагностицирано дифузно опаѓање на косата.Ова опаѓање на косата е последица на некое штетно влијание на организмот (нагол губиток на телесна тежина, анемија, болести на штитната жлезда, синдром на PCOS, стрес….).

• Остеоартритис и реуматоиден артритис

Истражувањата покажуваат влијание на пантотенската во лечење на остеоартритис на колена, како и во намалување на симптомите на реуматоиден артритис, ја намалува болката и отокот. Дози од 500 mg дневно, со постепено зголемување на дозите се покажале успешни во намалување на утринската вкочанетост и јачината на болката кај заболените од ова заболување.

• Намалување на телесна тежина

Намалување на телесната тежина обично предизвикува замор, слабост, вртоглавица, зголемено чувство на глад и може да предизвика кетоза. Кетозата е состојба на покачени вредности на кетонски тела во крвта поради зголемено користење на масните киселини за добивање на енергија, пример кај недостаток на глукоза (јагленохидрати) во тек на гладување. Пантотенската киселина има улога во регулирање на телесната тежина т.е луѓето кои имаат недостаток на овој витамин чувствуваат чувство на глад и замор. Пантотенската киселина учествува во метаболизмот на масни киселини во облик на CoA и помага во намалување на истите. Резултатот е доволна произведена енергија од залихите на масти во телото и особите на диета не би ги имале симптомите на кетоза.

• Регулирање на холестеролот

Витамин Б5 земен како додаток помага при намалување на холестеролот. Во студија од 2011 година објавена во списанието Исхрана за истражување, истражувачите од Центарот за долговечност на Принстон во New Jersey  откриле дека додатоците на пантетин, дериват на витамин Б5, го намалуваат вкупниот холестерол и ЛДЛ холестерол кај лица со низок до умерен кардиоваскуларен ризик.

За сите дополнителни информации и консултации, контактирајте не на нашиот телефонски број 02/32 46 000, секој работен ден од понеделник до петок од 8-16 h или на нашиот e-mail: info@trimeks.com.mk